يامرحبا ترحيب شكرً وعرفان = من راس دندونً على راس دندون

يامرحبا ترحيب شكرً وعرفان = من راس دندونً على راس دندون
يامرحباً عداد ماهل ودان = بالنادر المشهور صفوة بني عون
سلطان بن عادي على راس مابان =ترثة شيوخ مطير وبليس ملعون
يالذيب يالضرغام ياطير حوران =مدحً يجي في غيركم دون في دون


يا أميـر بسـم الله جيتـك بقافـي=قافٍ لبس له مـن أناقتـك أناقـة
حلفت لإن شفتك يا أميـر متعافـي=إن أتصـدق لـي بعشريـن ناقـة
ولو في يدي يا أمير حجيت حافـي=واوقفت لك سوقٍ على عظم ساقـه
لرضاك أطوع عاصيـات القوافـي=واويق مـالا عنتـر الخيـل واقـه
ولرضاك أصحّي من الفرح كل غافي=واوزّع الباقـات بـاقـة وبـاقـة
بقومتـك سالـم بـدن ومتشافـي=يذوب دمعي فـي عيونـي شفاقـة
جيت أتخطـرى ناقشيـن الكوافـي=من الفرح يا أميـر ماهـو طفاقـة
يا أمير كل الشعب شفهـم خلافـي=قلوبهـم مـن حبهـم لـك رقاقـة
يدعون لك يا أمير من قلب صافـي=دعوة أبو لأبنـاءه أوشـك فراقـه
ياليت ما جاء فيك يا أمير جاء فـي=انته عمـود البيـت وانـا رواقـه
ياجعل كرسيّـك ميـة عـام دافـي=ياجعلني مـا أذوق حزنـك ذواقـة
في ذمتي ما يبغضـك غيـر هافـي=عاقه ولـد ستـة وستيـن عاقـة
ولا يحبـك غيـر طيـب ووافــي=كل مـراده يحمـل اسمـك بطاقـة
ملفى السعد ملفـاك لاجيـت لافـي=انت الرفيق وغيرك امحـق رفاقـة
كم جرح قلب ما رفوه ألـف رافـي=مدة يـدك ترفـاه مـن كـل فاقـة
وباعتراف النـاس قبـل اعترافـي=غرّ المراجل يطمحنْ لـك عشاقـة
يـوم الليالـي مقبـلاتٍ مقـافـي=والجـوع فينـا صافنـاتٍ عتاقـه
يديـك تنـدى لاجفـا كـل جافـي=كـم دمْ فقـر جـود كفـك أراقـه
يـا ريفنـا لا يبّـسـنّ الأشـافـي=والوقـت دوّر كـل خـدٍّ طـراقـه
يا ابن الملوك أهل السيوف ارهافي=لاضاق خيّال الرمـك مـن خناقـه
أبـوك ستـر مسبّـلات الغـدافـي=المجد كسب يديـه ماهـو سراقـة
يا أمير غيرك في العرب ما يشافـي=الكـون يكسـر دون كفـك نطاقـه
ما كن غيـرك يالسنافـي سنافـي=يا أزكى العروق عروق واكثر عراقة
يا حرز من وجهه كلتـه السوافـي=غيرك صداقتهـم لأبوهـا صداقـة
بشتك على من جاك ينخاك ضافـي=لـو كـان مابينـك وبينـه علاقـة
طيبك يعقـب كـل طيـب خرافـي=ما احدٍ بحوله لـو تشقـق شقاقـة
وان عـودت للجـود فالله يكافـي=جودك بحر والغير جـوده حواقـه
مهما تبي تخفيـه ماهـوب خافـي=شمسٍ ولا يحجب سنا الشمس طاقة
كم ربّعت من مزن جـودك فيافـي=وتباشـرت بالجـلّ حمـراً دقاقـة
مجلسـك أشبـه باللقـاء الثقافـي=بعيد كل البعـد عـن كـلْ حماقـة
دين وعلـم وفكـر غيـر متنافـي=يطرح بأحسن طرح واحسن لباقـة
انا ما زواني بنت عم ٍ وزت عني= ودزتني بواز الزمان انزوي فيها

وعزي لمنحوز ٍ تكز الزمن زيره= كما كزت اعكاز ابلنزا مكازيها

زمان ٍ نكاز ٍ نكزته شينها نكزه= سوات الرزز او غازي الزان غازيها

وخزني و نخزني في خزن محجري سيفه= ونزّف دموعاً زازياةٍ اراضيها

كما مزنةٍ لا زل منها مزاز ٍ مز= كنوز المزون المرزمه من محازيها

غزالي عزالي من نحازه عزيز الزول= امزّع وغى ثيابي واقلوز مخازيها

وزين ٍ رزين ٍ حايز ٍ جايز ٍ زينه= كما البيض يوم اهوز غزت نوازيها

وجزٍ زهاه ومزين الجز في نجزه= لابو زمةٍ زي الزراير يحفيها

ينوز و يموز ويستميل بلدن عمره= مزيز ٍ لزيز ٍ ما يز ٍ زاد تنزيها

وزودٍ على ما أزينه مزت زلال الماء= بساق ٍ كما لدن القوارير لازيها

فلا يا زميلي زايم النيه الجرزه= على زيزفٍ ميز احروفاً بوازيها

وبزت بزابيز الحشا يوم بزبزت= وزمالت زميلاً مستعزاتن مهازيها

ليا زاعني من زايع النفس زواعي= اعزّم عزومي دون عزي واعزيها

ومع زوعة الشيطان تنزاع زوعاتي =على وازع ٍ في لازي النفس موزيها

ونزوع العزوبي زوع زرعا ً غذا زيفه =على مزهرن بالقيض زانت ملازيها
يابدر ياصاحبٍ عن ثلاث امية صحيب=الحجج عن صحبة اللي سواتك واهية
يابدر غير الصراحة وش ألقى فيك عيب=حي هاك الفاه وأفواه غيرك فاهية
يابدر قلبٍ ورى نزوته مثل السبيب=ما التهى فالبيض وقلوب غيره لاهية
عن حريبٍ أشغله من بني عمه حريب=بنشدك والناس في ناسها متباهية
في حشى يمنى القهر ماملى بطن الشعيب=لاتغرك كشختي في الثياب الزاهية
يابدر ياكثر ماطبت في من لايطيب=وياكثر من طيبته ودته في داهية
يابدر من بدل الركض بمشيه دبيب=صنف الأقزام قبله وعينه ساهية
ولو لكل راعي اسم يابدر من اسمه نصيب=كان لا النافية مثل لا الناهية
اهب ياقلبٍ دحرهم جميع اهيب اهيب=لعنبو من لاورد والموارد راهية
هزااز


يا ما ورى يا ما ورى
اصبر علي حتى ارى


يا ما ورى يا ما ورى
جرح تزايد ما برى


يا ما ورى يا ما ورى
رد البهم يا من ترى


يا ما ورى يا ما ورى
خيل تطارد بالثرى


يا ما ورى يا ما ورى
سيل مع الوادي جرى


يا ما ورى يا ما ورى
شيخ ممدد في حرى


يا ما ورى يا ما ورى
طار الحجل محد درى


يا ما ورى يا ما ورى
سود توالد في ذرى


يا ما ورى يا ما ورى
اكالة السحت خشرى


يا ما ورى يا ما ورى
نجم يسري ما سرى


يا ما ورى يا ما ورى
باع اليتيم ولا شرى


يا ما ورى يا ما ورى
ثورة فقير مزدرى


يا ما ورى يا ما ورى
عيون ابو زيد دهرى


يا ما ورى يا ما ورى
ما كان قول يفترى


يا ما ورى يا ما ورى
جيوش اهل حمر الفرى


يا ما ورى يا ما ورى
كسرى ينادى قيصرا


يا ما ورى يا ما ورى
سبعه على العد قصرى


يا ما ورى يا ما ورى
ارسلت رمحا اسمرا


يا ما ورى يا ما ورى
اخرجت تبرا اصفرا


يا ما ورى يا ما ورى
خمسين يردفها سرى


يا ما ورى يا ما ورى
ثوب مرصع مرمرا


يا ما ورى يا ما ورى
شخص كتب ما قد قرى


يا ما ورى يا ما ورى
ازهير يدعوا عنترا


يا ما ورى يا ما ورى
ما عاد به شيء ارى




بسمك اللهم محيي الثرى محيـي العظـام=منزل السبع المثاني و ذو العرش العظيـم
و بسمك أبدا ما بدأ مـن مفاتيـح الكـلام=و اتعـوذ مـن اذى كـل شيطـان رجيـم
ربي انصرني على من تواصوا بي شمـام=و اسقهم مما سقونيـه شـوط مـن حميـم
يا مطارد هرجة العام في اذنـاب النعـام=ما لقينا فيـك مـن نعمتـك نظـرة نعيـم
ليس طعنا من خلافٍ كطعـنٍ مـن امـام=بين رويسك و قابل خصيمك يـا خصيـم
حاسبينك في الجهامة من حسـاب الجهـام=كل ما تخفيه مـن سـوء يظهـره العليـم
يا هل الركن اليماني واهـل هـاك المقـام=يا حجيج الله مـا بيـن زمـزم و الحطيـم
مـا تقولـون بقـومٍ كأمـثـال اليـمـام=من عجم بابل كمـا جـاء بالعهـد القديـم
مـن لئامتهـم يسمـون أعـداء الـكـرام=و يفخرون انـه ولا واحـد فيهـم كريـم
ومن لئامتهـم يشوشـون لأفعـال اللئـام=بل وليس الحر من لـم يكـن فيهـم لئيـم
هيه ياللي عن حمامـتك طربلـك الحمـام=لن يؤثر ذمنا فيـك لأنـك اصـلا ذميـم
كان صمتي لأجل خاطر ومن أجل الكـرام=حشمةٍ لأولاد زايـد هـل البيـت الكريـم
واستميح العذر منهـم فقـد طـال المـلام=زادني صبري على الضيم فوق الضيم ضيم
حالفٍ لأطى على بطـن ملعـون الرسـام=وان لأسوقه هو وعنز الجماعه سيم سيـم
لي لسان هرجتـه كنهـا ضربـة حسـام=و تفلته بوجيه الانذال سـوط مـن جحيـم
ان يكن اغراك بي طـول حلمـي ياغـلام=إن عين العقـل ان تتقـي شـر الحليـم
من قبل لا ألطمك وافطمـك ثانـي فطـام=عنك عندي ما يشيب لـه الطفـل الفطيـم
تشب يا كلب أش يا حمار واخرس يا خمـام=وش يجيب أحمر ثمودٍ مع اصحاب الرقيم
كل يوم لك قبيلة و وضعـك مـش تمـام=مرةً ترجع ظفيري ومرة في تميم
كانه اسلوبك هو الضرب من تحت الحزام=ان اسلوبي هو الضرب دوما في الصميـم



( نقلاً عن العضو في منتديات ناصر الفراعنة : عبدالله الشلاقي )








لو يقول الله ياصاحبي للجود كن =كان حمدان ومن غير حمدان يكون

لو اراد الله للجود ان يسكن بدن =قال ابي حمدان يارب او دعني بدون

في وجود الشيخ حمدان في هذا الزمن=رحمة للخلق لكنهم لا يعقلون

لم يزل حمدان عندي انا حتى وان =اية تتلى فياليت قومي يعلمون

الكرم ان لم يكن هو حمدانٍ فمن =ويحكم من غيره افلا تستغفرون

ويحكم ان كان ماهوب هو من هو اذن=إنه الجود بذاته فلا تستكبرون

إن يكن حمدان أصغر شيوخ العصر سن =فهو اكبرهم صحوناً وأوسعهم طعون

للفقر في كف ابو راشد اليمنى كفن=وللغنى في كف ابو راشد اليسرى مزون

حاتميٍّ ما غفا له ولا يومٍ جفن=لين حط نجومها السبع من تحت الجفون

احتمى سوق الرمك واحتمى سوق الهجن =قائماً والناس حوله قيام ينظرون

مدته في السر ماهوب يعلنها علن =يوم غيره من ورى المد مدري وش يبون

مدته تدفن فقر شرقنا الاوسط دفن =وفزعته تاتيك لو دونها ريب المنون

ابن من لا قيل له من ولا قيل بن من =ابن طلّاع الثنايا وابن حامي الظعون

ارتفع يانجم حمدان واسقط ياوثن=ايه ابو راشد وما عز من امرٍ يهون

من دخل بيته كأنه دخل جنّة عدن =من سخا راعيه يورف حجر بيته غصون

لن تجد شيخاً كفزاع او عزام لن =فارتجع واقنع ودع مايقول المبطلون

ما كأن الله أغنى سواهم ما كأن =في عباد الله من كثر ماهم ينفقون

إن يكن هذا الحسين فهذا الحسن =أمهم أم البنين وهم نعم البنون

مدةٍ وحده فقط منهما تبني مدن =بل وتغنيك انت واللي بعدك بأربع قرون







بـأسمك الرحمن رب العباد أنسً وجان=عالمً مادار فـ,قلوب خلقه أجمعين
هازم الأحزاب كاسر جيوش الهرمزان=خالق الأسباب حامي حدود القريتين
مومنً بغداد من سلطنة جنكيز خان=مهلكً جيش التتر في بلاد الرافدين
فاتح الأمصار قاهر ملوك التركمان=ناصر الأنصار في معركة وادي حنين
في حضورك يابو تركي قديم القاف زان=شوفتك مثل الحيا في قلوب الممحلين
ياسمي معزي الي حكمها بالسنان=مرحبا في مرحبا ياكريم المنبتين
القوافي فيكم أعجافها ترجع سمان=والسمينه ماتبي فالرجال إلا سمين
يامحيط الجود يامنتها البيض الحسان=ياسمي العود يامعدن العز الثمين
في جنابك يحتمون الضعوف من الزمان=ومن عطاك أبعدت عن وجهنا ضيم السنين
من تعزه مات ماعودت عشره ثمان =ومن تعنز له رقا فوق سطح الفرقدين
بين زمزم والصفاتين والركن اليمان=كم دعا لك واحدً مع هجود الغافلين
في سنام المجد أشوفك نزلت أعلى مكان=ولا عجب الشبل هذا ابن اسد هذا العرين
فهد ابوك ولايجي من الحصان إلا الحصان=خذت من جيناته العز من يومك جنين
يدك لا هزيتها ماتصب إلا جمان=وعينك إليا غمضت ماتصب إلا لوجين
لو نـسوق الشعر لك من دمشق إليا عمان=ماقطعنا من مسافات جودك خطوتين
مع صغر سنك ظهر نجمك الساطع وبان=لين صرت أسطورة الجود بين العالمين
عن وفاك يحدث فلان أبن عمه فلان =وسولف الريحان عنكم لورد الياسمين
ولكرمك الحاتمي كلنا شاهد عيان=في محياك أجهر العين نور الصالحين
أبلجً مصباح وجهك أضاء الفرقدان=فيك من هيبة عمر فيك من تقوى الحسين
عقبت صولتك للحارث أبن الحوفزان=وعقبت مدتك للبرمكيين الثنين
لو نشدت الشمس عنك أشرت لك بالبنان=وأنت يارمز الصخا شمس كل المسلمين
ياضنا من طهروها بظرب الجبخان=الملوك الي نباها يسر الناظرين
حولوا من دونها بالسنان وبالعنان=طوعوا أتباع الأتراك بالفعل المبين
كم كسر في وردهم عود زانً عود زان=ثم بنوا في نجد ما لا بناه الأسكندرين
دولة أل سعود ماهي دويلات الهوان=أمةً فاقة جميع الأمم دنياً ودين
دولةً لاصوت يعلو على صوت الأذان=مهبط الوحي الألاهي وثاني القبلتين
سيدي وانته على الفقر بعد الله ضمان=فيك مليونين ميزة ولك عقلً فطين
والليالي ماتبي واحدً عوده ليان =كود كل قرمً سواتك نعرف أقصاه زين
ليت أبن خلدون في عصرنا هذا عشان=يكتبك تاريخ كامل على مر السنين
يكتب التاريخ أنباء أبناء الزمان=وأنت تاريخً لحالك يبي كاتب ذهين
أيّه الركب اليمانون قد آن الأوان=أنتهى قافي وقد كدت للقاف أستكين
والختام أستغفروا ربكم في كل شان=أنه التواب غافر ذنوب التائبين
وصل ياربي على من بعثته بالقران=وأرض ربي عن صحابتهم والتابعين
هزااز



أمن وجدٍ ورا صدري توارى
.......... بصدري زلزلة خيلٍ تبارى

عليها من رجال بني هلالٍ
.......... غيارى تستغيث بهم عذارى

بنو عم ملوكاً إن تراخوا
.......... إلى سلْمٍ وإن ركبوا سكارى

مشوا من نجد وانتزعوا بمصراً
.......... ممالك كلّ مملكةٍ جهارا

صهيل خيولهم زاده بصدري
.......... صليل سيوفهم في الحجف نارا

بصدري كلّ ما طقيت صدري
.......... تحرّك طائرٌ فزعاً وطارا

فوجدي يوم اشوف البرق نجدي
.......... بجنح الليل شعشع واستطارا

إلى فوقٍ ودمع العين حدري
.......... اخايل لي شبح طيفٍ توارى

شبح طيف ابنة الصحراء لما
.......... خبا طيف ابنة الغابات يارا

سهر عيني عقابٌ ما ترك من
.......... لذيذ النوم في عيني حبارى

على زايد ضنا حمدان جده
.......... ربيع المرجله ريف الفقارى

يزايد يا سليل الشيخ زايد
.......... عليك آثاري هجوسي مثارا

أنا يا شيخ من عامين واكثر
.......... أجاري خلق صاحبتي مجارى

تأبطت المنايا السود شوقاً
.......... إليها من ورا غاط السدارى

إلى ريميةٍ في عز ابوها
.......... مشجّر حسنها قام يتمارى

فررت مخافةً مني عليها
.......... غداة كررت لا أرجو فرارا

لقتليها هنالك مرّةً لا
.......... سواها أزمعوا قتلي نهارا

وما التفتوا لمن قتلته ظلماً
.......... مراراً دونما ذنبٍ مرار

أداري حبها أولا أداري
.......... محالٌ حب مثلي أن يدارى

وأخفيت إسمها غيرة لأني
.......... غيور ومن رياجيل غيارى

عليها كم تحير ساق رجلي
.......... ورا الأضعان واصحابي حيارى

ومن طول السهر أسهرت من لا
.......... تداركهم سنا صبحٍ سهارى

بحمرة خدها حمرة خجلها
.......... كرز مغموس في حبة بخارى

ترى العالم سكارى من بهاها
.......... على الطاري وما هم بالسكارى

على بلّور معبد صدرها من
.......... كفوفي رهبنت أربع نصارى

بمدفون اسمها من دون طاري
.......... ضلوعي في حشا صدري تطارى

بخمس اسباع أو نص على نص
.......... بلاد السدس عن بعدٍ توارى