قصيدة البتاع
يا للي فتحت البتاع
فتحك على مقفول
لأن أصل البتاع
واصل على موصول
فأى شئ في البتاع
الناس تشوف على طول
والناس تموت في البتاع
فيبقي مين مسؤول ؟
وإزاي حتفتح بتاع
في وسط ناس بتقول
بأن هذا البتاع
جاب الخراب مشمول
لأنه حتة بتاع
جاهل غبي مخبول
أمر بفتح البتاع
لأنه كان مسطول !
وبعد فتح البتاع
جابوا الهواالمنقول
نكس عشوش البتاع
وهد كل أصول
وفات في غيط البتاع
قام سمم المحصول
وخلا لون البتاع
أصفرحزين مهزول
وساد قانون البتاع
ولا عله ولا معلول
فالقاضي بتع البتاع
فالحق ع المقتول
والجهل زاد في البتاع
ولا مقري
ولا منقول
والخوف سرح في البتاع
خلا الديابه تصول
ويبقي البتاع في البتاع
والناس صايبها ذهول
وأن حد قال دا البتاع
يقولوا له مش معقول
وناس تعيش بالبتاع
وناس تموت بالفول
وناس تنام ع البتاع
وناس تنام كشكول
آدي اللي جابه البتاع
جاب الخراب بالطول
لأنه حتة بتاع
مخلب لراس الغول
باع البتاع بالبتاع
وعشان يعيش على طول
عين حرس بالبتاع
وبرضه مات مقتول
رسالة الى الحدود
واه يا عبد الودود
يا رابص ع الحدود
و محافظ ع اللظام
كيفك يا واد صحيح
عسى الله تكون مليح
و راجب للامام
أمك ع تدعي ليك
و ع تسلم عليك
و تجول بعد السلام
خليك ددع لابوك
ليجوا مين دابوك
و يمصخوا الكلام
واه يا عبد الودود
ع أجولّك و انت خابر
كل الجضية عاد
ولسة دم خيك
ما شرباش التراب
حسك عينك تزحزح
يدك عن الزناد
خليك يا عبده راصد
لساعة الحساب
أن الأوان يا ولدي
ما عاد الا المعاد
تنفض الشركة واصل
وينزاحوا الكلاب
عايزني أكون أبوك
بتديب لي ثار اخوك
و الأهل يبلغوك
دميعا السلام
واه يا عبد الودود
كيفك و كيف زمايلك
عسى الله طيبين
خالك زناتي داي لك
ضمن المطوعين
و اختك تطلع يوماتي
ع المستشفى الجديمة
حاكم ع يمرنوها ف العركة
تكون حكيمة
و محمدين موافي
يتعلم المطافي
ويجولك شد عزمك
ويجولك العوافي
ومن هنا الجرايب و العيلة و العيال
ع يبلغوك سلامهم و لتمتة الردال
و آخر الكلام نجولك في الختام
الله يصون بلدنا
و يحرص السلام
والدك حسن محارب
غفير برد الحمام
يا اجهل شعوب الارض اخترت ليه طرطور
ارجوز فى ايد مرشده شايل لقب دكتور
من يوم مامسك الحكم مقطوعه ميه ونور
قالو فى ايده الخير ولو منه برده يغور
ارجوز بلدنا اتكشف وعرفنا ايه مخبيه
ممنوع عليه الكلام اصل الكلام مش ليه
والكلمة كلمة جماعه ومرشده ممليه
ومهما قال الغلط وراه جماعه تحميه
يا اغرب شعوب الارض منكم خلاص مليت
بعتو التاريخ والارض عشان أزازة زيت
يا بيعين العرض بكره تبيعو البيت
بكره الغريب يتحكم وهتبقو خدم البيت
كنت كبير يا وطن لكن خلاص وطيت
دخلت نعشك يا وطن وبكفنك اتغطيت
يا اجهل شعوب الارض اخترت ليه طرطور
ارجوز فى ايد مرشده شايل لقب دكتور
من يوم مامسك الحكم مقطوعه ميه ونور
قالو فى ايده الخير ولو منه برده يغور
ارجوز بلدنا اتكشف وعرفنا ايه مخبيه
ممنوع عليه الكلام اصل الكلام مش ليه
والكلمة كلمة جماعه ومرشده ممليه
ومهما قال الغلط وراه جماعه تحميه
يا اغرب شعوب الارض منكم خلاص مليت
بعتو التاريخ والارض عشان أزازة زيت
يا بيعين العرض بكره تبيعو البيت
بكره الغريب يتحكم وهتبقو خدم البيت
كنت كبير يا وطن لكن خلاص وطيت
دخلت نعشك يا وطن وبكفنك اتغطيت
1. مبروك يا عريسنا
يا أبو شنه ورنه
يا واخدنا وراثه
أطلب واتمنى
وأخرج من جنه
أدخل على جنه
مش فارقة معانا
ولا هارية بدنا
ولا تاعبه قلوبنا
ولا فاقعة عيونا
يا عريس الدولة
أفرح وأتهنى
ما أحناش كارهينك
لكن هارشينك
ح تكمل دينك
وتطلع دينّا
********************************
من أحمد فؤاد نجم إلى حسني مبارك
سيدي الرئيس
في عيد ميلادك الكام وسبعين
كل سنة وأنت طيب
واحنا مش طيبين
كل سنة وأنت حاكم
واحنا محكومين
واحنا مظلومين
واحنا متهانين
ويا ترى يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك - هاتفتكر مين وللا مين
في عيد ميلادك الكام وسبعين
بقول لك كلمتين
الأوله
شيلتنا طين
وهل تعلم أن النيل بقى رشاح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهم مذبحة ولا بتاعة القلعة
والاقتصاد سداح
والسرقة بقت كفاح
ومصر متاحة بس للسياح
وعرض البلد بقى مستباح
والتانية
ورتنا الويل
دا الخطوة في عهدك بقت ميل
والضحك بقى نواح وعويل
والكوسة
عارف الكوسة
ممكن أقولك فيها موواويل
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز على المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين
والتالتة
عارف اليابانيين
زمان في سنة اتنين وخمسين
كان عندنا تروماي وكان عندنا علم ومتعلمين
وثقافة ومثقفين
وأدبا وعلما وفنانين
وكانو اليابانيين
بالنووي لسة مضروبين
وللصدقة مستحقين
دلوقتي إحنا فين وهما فين
هما فوق واحنا في أسفل سافلين
والرابعة
أمن البلد بقى تنين
والمحاكم اتملت مظالم
والعدالة بقت كمالة
وكلمة الحق في الزبالة
وأصحابها في الزنازين
والخامسة
القطاع العام…. عام
والفساد…. ساد
وفي جتة بلدنا بيرعى
أفتكر لجنابك إيه وللا إيه
وكل ذكرى ليك بدمعة
آآآآآآآآه آآآآآآآآه
أنا كنت حالف ميت يمين
أكملهم لك تمنية وسبعين
بس هاكفيهم ورق منين
*****************************
تم حذف كلمة من قصيدة جمال للرقابة
التعديل الأخير تم بواسطة drmamba; 01-04-2008، الساعة 03:33 AM
رد مع اقتباسLike ابلغ عن اساءه
2. 01-04-2008 03:30 AM#3
drmamba
عضو نشيط
تاريخ التسجيل
Oct 2007
المشاركات
100
3. حلاويلا
4.
5. حلاويلا يا حلاويلا .. يا خسارة يا حول الله
ده الثوري النوري الكلمنجي .. هلاب الدين الشفطنجي
قاعد في الصف الاكلنجي ... شكلاطة و كاراميلا ..
يتمركس بعض الايام ... يتمسلم بعض الايام
و يصاحب كل الحكام .. و بسطعشر ملة ..
حلاويلا يا حلاويلا .. يا خسارة يا حول الله
يا حلاولو لو شفتو زمان .. مهموم بقضايا الانسان
بيتكتك لتقول بركان .. و لا بوتجاز و لا حلة ..
حلاويلا يا حلاويلا .. يا خسارة يا حول الله
اش حالك يا قريب اليوم .. اش جاب التفاح للدوم
و اش جاب الغرفة ببدروم ... للعربية و فيلا
حلاويلا يا حلاويلا .. يا خسارة يا حول الله
جرانين و منابر و ادارة .. و معلق طلبة و زمارة
يعطل أهو بيسلك يابا .. و يجيبوا المنافيلا
حلاويلا يا حلاويلا .. يا خسارة يا حول الله
دا ترستق هلاب الدين .. بقى عاقل جداً و رزين
و يعن عند المجانين .. إن عشنا و متنا بعلة
حلاويلا يا حلاويلا .. يا خسارة يا حول الله
========================
6. رد مع اقتباسLike ابلغ عن اساءه
7. 01-04-2008 03:35 AM#4
drmamba
عضو نشيط
تاريخ التسجيل
Oct 2007
المشاركات
100
8. غابة
غابة كلابها ديابــــا ... و نازلين في الناس هـم
و اللي ينام في الغابة ... رح يتاكل هــــــــم
و اللي يدور وشـــــو ... في غمضة عين يتهــــــم
و اللي يغيب عن جحرو .. لاجل القوت و المم
يتخان من ورا ظهرو ... او يتاخد خم
غابة بتاكل ميتة ... غابة بتشرب دم
غابة كلابها ديابا ... نازلين بالناس هم
غابة و ناسها غلابة .. خيخة لا ناب و لا فم
متكلين عالصدفة .... متاكلين بالهم
و احنا يا ملح الغابة .. هم يحرك هم
ضايعين و سط ديابا .. مش فاضيين نهتم
فاهمين و بنتغابا ... مش راضيين نتلم
9. رد مع اقتباسLike ابلغ عن اساءه
10. 01-04-2008 03:38 AM#5
drmamba
عضو نشيط
تاريخ التسجيل
Oct 2007
المشاركات
100
11. اتجمعوا العشاق
اتجمعوا العشاق في سجن القلعة ... اتجمعوا العشاق في باب الخلق
و الشمس غنوة من الزنازن طالعة .. و مصر غنوة مفرعة في الحلق
تجمعوا العشاق بالزنزانة .... مهما يطول السجن مهما القهر
مهما يزيد الفجر بالسجانة .. مين اللي يقدر ساعة يحبس مصر
...............
تجمعوا و العشق نار في الدم ..... نار تحرق الجوع و الدموع و الهم
نار تشتعل لما القدم ينضم .... لما الايادي تفور في لم اللحم
و اللحم متنتور في رملة سينا .... و الكدب بيحجز على أيادينا
قدم العدو غارسة في لحم ترابي ... و الكدب عشش مخبرين على بابي
و المخبرين خارجين كلاب سعرانة ... بيجمعوا العشاق في الزنزانة
...............
مصر النهار يطلقنا في الميادين .. مصر البكا .. مصر الغنا و الطين
مصر الشموس الهالة من الزنزانين .. هالة و طارحة بدمنا بسا تين
مصر الجناين طرحة مين يقطفها .. مصر الجناين للي يرفع سيفها
مهما يطول السجن مهما القهر .. مهما يزيد الفجر بالسجانة
مين اللي يقدر ساعة يحبس مصر
********************
هما مين و إ حنا مين .. ؟
هما الأمرا و السلاطين ..
هما المال و الحكم معاهم ..
و إحنا الفقرا المحرومين
حزر فزر شغّـل مخك
شوف مين فينا بيحكم مين ؟!!
..............
إحنا مين و هما مين ..
إحنا الفعلا البنايين
إحنا السنة و إحنا الفرض
إحنا الناس بالطول و العرض
من عافيتنا تقوم الارض ..
و عرقنا يخضر بساتين
حزر فزر شغل مخك
شوف مين فينا بيخدم مين ..؟؟!!
................
هما مين و إحنا مين ؟؟
هما الامرا و السلاطين
هما الفيلا و العربية
و النساوين المتنقية
حيوانات استهلاكية
شغلتهم حشو المصارين
حزر فزر شغل مخك
شوف مين فينا بياكل مين ..؟؟!!!
....................
إحنا مين و هما مين
إحنا قرنفل على ياسمين
إحنا الحرب : حطبها و نارها
و إحنا الجيش اللي يحررها
و إحنا الشهدا بكل مدارها
منكسرين أو منتصرين
حزر فزر شغل مخك
شوف مين فينا بيقتل مين ؟؟!!!
................
هما مين و إحنا مين
هما الامرا و السلاطين
هما مناظر بالمزيكا
و الزفة و شغل البوليتيكا
و دماغهم طبعاً استيكا
بس البركة بالميازين
حزر .. فزر شغل مخك
شوف مين فينا بيخدع مين ..؟؟؟!!!
.....................
هما مين و إحنا مين
هما الامرا و السلاطين
هما بيلبسوا أخر موضة
و إحنا بنسكن سبعة في أوضة
هما بياكلوا حمام و فراخ
و إحنا الفول دوخنا و داخ
هما بيمشوا بطيارات
و إحنا نموت بالاوتوبيسات
هما حياتهم بامب جميلة
هما فصيلة و إحنا فصيلة
حادي يا بادي يا عبد الهادي
يا اللي عليك قصد الغنوادي
لما الشعب يقوم و ينادي
يا إحنا يا هما في الدنيا دي
حزر فزر .. شغل مخك
شوف مين فينا حيغلب مين
شرفت يانكسون بابا يا بتاع الوترغيت
عملولك ايمة وسيمة سلاطين الفول و الزيت
فرشولك اوسع سكة من راس التين على مكة
وهناك تنفد على عكا ويقولوا عليك حجيت
____________________________________
عزموك فقالوا تعالا تاكل بابمبون وهريسة
امت لانك مهيف سدءت انحنا فريسة
هات وشك خودلك تفة طبعا شلا يا صحاب البيت
___________________________________
خد منى كلام يبئالك ولونك موش حتعيش
لاحؤول أهلا ولا جهلا ولاتجى ولا ماتجيش
بيقولوا اللحم المصرى مطرح مابيسرى بيهرى
ودا كولوا من تاثير الكوشرى والفول أبو سوس بزيت
يا ليل يا عين ما اعرفش اكدب
طب و اكدب ليه
عدم المؤاخذة
لنا باكتب
و لا أبصر إيه
لا انا احترافي اشتراكية
و لا عندي نزعة رجعيّة
لكني شايف بعنيّه
يا فلاحين يا صنايعية
بر الأمان بان
و المركب
راح ترسي عليه
و انا حاكدب ليه
*******
